Política de Privacidade

Última actualización: 8 de xullo de 2026

1. Responsable do tratamento

• Denominación: Lab Barbanza
• CIF: P1501100J
• Enderezo postal: Praza de Galicia, s/n — 15930 Boiro (A Coruña)
• Email de contacto para protección de datos: correo@boiro.gal

2. Finalidade do tratamento

Os seus datos trátanse para:

• Xestión de reservas de eventos.
• Envío de confirmacións, cancelacións e lembranzas por email.
• Análise estatística interna do uso do propio servizo de reservas.

Non se realiza ningún outro tratamento, salvo que Lab Barbanza indique o contrario.

3. Base xurídica do tratamento

Artigo 6.1.e do Regulamento (UE) 2016/679, do 27 de abril de 2016 (Regulamento Xeral de Protección de Datos, RXPD): tratamento necesario para o cumprimento dunha misión de interese público, en relación coa Lei 7/1985, do 2 de abril, reguladora das Bases do Réxime Local, e a normativa autonómica galega aplicable.

4. Prazo de conservación

Os seus datos conservaranse durante a vixencia do servizo de reservas e durante os 5 anos seguintes á baixa da conta ou á última reserva, conforme á normativa de arquivo das administracións públicas.

5. Encargados do tratamento

Para prestar o servizo, Lab Barbanza utiliza os seguintes provedores tecnolóxicos, que actúan como encargados do tratamento: tratan os seus datos exclusivamente seguindo as instrucións de Lab Barbanza e para as finalidades técnicas descritas a continuación, sen poder usalos para fins propios nin cedelos a ningunha outra entidade:

• Supabase Inc. (servidores en Frankfurt, Alemaña — UE): base de datos e almacenamento de imaxes do sistema.
• Render / Railway (servidores en Frankfurt, Alemaña — UE): aloxamento do servidor da aplicación.
• Vercel Inc. (Estados Unidos): aloxamento da interface web. Vercel non almacena datos persoais de usuarios. Dispón de mecanismos de transferencia adecuados conforme ao marco EU-US Data Privacy Framework.
• ABANCA Corporación Bancaria, S.A.: entidade bancaria encargada do procesamento de pagos cando o evento requira aboamento do prezo de inscrición.

Non se realizan outras cesións de datos a terceiros salvo obriga legal.

6. Os seus dereitos

Se ten unha conta rexistrada, pode eliminala vostede mesmo en calquera momento desde A miña área → Perfil → “Eliminar a miña conta” — cancela as súas reservas futuras e elimina os seus datos persoais de forma inmediata, sen necesidade de escribir a ninguén.

Para calquera outro dereito (acceso, rectificación, supresión, oposición, limitación e portabilidade) pode dirixirse a:

• Email: correo@boiro.gal
• Enderezo postal: Praza de Galicia, s/n — 15930 Boiro (A Coruña)

Responderemos no prazo dun mes, ampliable a dous meses adicionais en solicitudes complexas ou numerosas.

Tamén ten dereito a presentar unha reclamación ante a Axencia Española de Protección de Datos ( www.aepd.es).

7. Transferencias internacionais

Os datos persoais (usuarios, reservas, imaxes) almacénanse en servidores situados en Frankfurt (Alemaña), dentro da Unión Europea, polo que non se realizan transferencias internacionais de datos persoais.

A interface web está aloxada en Vercel Inc. (Estados Unidos), aínda que esta plataforma non almacena datos persoais de usuarios. As cookies analíticas recollidas por Vercel están suxeitas ao marco EU-US Data Privacy Framework.